Tungang gabi ta kaw nasiplatan,
Pero wala ako keber, sa isip ko ang bus nga masakyan
Paagto sa lugar nga dapat namun lagawan
Ang akun isip indi mapahamtang basi kami maadlawan.
Kasanagun kang ako nakapungko sa tupad mo,
Ikaw pauli sa lugar nga ginahidlawan mo
Ako magahalin sa syudad nga magamo,
Pero sa paghimutad ko kanimu, natublag ako.
Aga kag ikaw nagpaalam kanakun,
Imo ginbilin ang imong manami nga yuhom,
Samtang ako nagausay sa ekis nga dalanun,
Imong nawong gasepal sa akun paminsarun.
Nag abot ang hapon ikaw nagpakilala,
Ikaw gale may tuyo nga mag imbita
Sa sangka yapon nga kita lang darwa,
Gusto ko man daad, pero ako gapangduha duha.
Ikaw gale may pamilya sa probinsya.
Gabii ang akun pamatyagan sa akun nabalitaan
Pero man an ko dapat ikaw likawan
Kay sa tatlo ka oras nga tupad kaw sa purungkuan
May nabatyagan ako tuhoy kanimu nga di ko mahangpan…
